Ruba'is

بعد از اتمامِ بزمِ عیدِ اطفالایامِ جوانی رہے ساغر کشِ حال

آ پہنچے ہیں تا سوادِ اقلیمِ عدماے عمرِ گزشتہ یک قدم استقبال

شب زلف و رخِ عرق فشاں کا غم تھاکیا شرح کروں کہ طرفہ تر عالم تھا

رویا میں ہزار آنکھ سے صبح تلکہر قطرۂ اشک دیدۂ پرنم تھا

آتش بازی ہے جیسے شغلِ اطفالہے سوزِ جگر کا بھی اسی طور کا حال

تھا موجدِ عشق بھی قیامت کوئیلڑکوں کے لیے گیا ہے کیا کھیل نکال

دل تھا کہ جو جانِ دردِ تمہید سہیبیتابیِ رشک و حسرتِ دید سہی

ہم اور فسردن اے تجلی افسوستکرار روا نہیں تو تجدید سہی

ہے خلقِ حسد قماش لڑنے کے لیےوحشت کدۂ تلاش لڑنے کے لیے

یعنی ہر بار صورتِ کاغذِ بادملتے ہیں یہ بدمعاش لڑنے کے لیے

دل سخت نژند ہو گیا ہے گویااس سے گلہ مند ہو گیا ہے گویا

پر یار کے آگے بول سکتے ہی نہیںغالب منہ بند ہو گیا ہے گویا

دکھ جی کے پسند ہو گیا ہے غالبدل رک رک کر بند ہو گیا ہے غالب

واللہ کہ شب کو نیند آتی ہی نہیںسونا سوگند ہو گیا ہے غالب

مشکل ہے زبس کلام میرا اے دلسن سن کے اسے سخنورانِ کامل

آساں کہنے کی کرتے ہیں فرمائشگویم مشکل وگر نگویم مشکل

بھیجی ہے جو مجھ کو شاہِ جم جاہ نے دالہے لطف و عنایاتِ شہنشاہ پہ دال

یہ شاہ پسند دال بے بحث و جدالہے دولت و دین و دانش و داد کی دال

ہیں شہ میں صفاتِ ذوالجلالی باہمآثارِ جلالی و جمالی باہم

ہوں شاد نہ کیوں سافل و عالی باہمہے اب کے شبِ قدر و دوالی باہم

دیکھ وہ برق تبسم بس کہ دل بیتاب ہےدیدۂ گریاں مرا فوارۂ سیماب ہے

کھول کر دروازۂ میخانہ بولا مے فروشاب شکست توبہ میخواروں کو فتح الباب ہے

ہر چند کہ دوستی میں کامل ہوناممکن نہیں یک زبان و یک دل ہونا

میں تجھ سے اور مجھ سے تو پوشیدہہے مفت نگاہ کا مقابل ہونا

سامان ہزار جستجو یعنی دلساغر کش خون آرزو یعنی دل

پشت و رخ آئنہ ہے دین و دنیامنظور ہے دو جہاں سے نو یعنی دل

اے کاش بتاں کا خنجر سینہ شگافپہلوے حیات سے گزر جاتا صاف

اک تسمہ لگا رہا کہ تا روزے چندرہیے نہ مشقت گدائی سے معاف

اے کثرت فہم بے شمار اندیشہہے اصل خرد سے شرمسار اندیشہ

یک قطرۂ خون و دعوت صد نشتریک وہم و عبادت ہزار اندیشہ

دل سوز جنوں سے جلوہ منظر ہے آجنیرنگ زمانہ فتنہ پرور ہے آج

یک تار نفس میں جوں طناب صباغہر پارۂ دل بہ رنگ دیگر ہے آج

گر جوہر امتیاز ہوتا ہم میںرسوا کرتے نہ آپ کو عالم میں

ہیں نام و نگیں کمیں گہ نقب شعوریہ چور پڑا ہے خانۂ خاتم میں

جن لوگوں کو ہے مجھ سے عداوت گہریکہتے ہیں وہ مجھ کو رافضی اور دہری

دہری کیوں کر ہو جو کہ ہووے صوفیشیعی کیوں کر ہو ماور النہری

اصحاب کو جو کہ ناسزا کہتے ہیںسمجھیں تو ذرا دل میں کہ کیا کہتے ہیں

سمجھا تھا نبی نے ان کو اپنا ہمدمہے ہے نہ کہو کسے برا کہتے ہیں

یاران رسول یعنی اصحاب کبارہیں گرچہ بہت خلیفہ ان میں ہیں چار

ان چار میں ایک سے ہو جس کو انکارغالبؔ وہ مسلمان نہیں ہے زنہار

یاران نبی میں تھی لڑائی کس میںالفت کی نہ تھی جلوہ نمائی کس میں

وہ صدق وہ عدل وہ حیا اور وہ علمبتلاؤ کوئی کہ تھی برائی کس میں

یاران نبی سے رکھ تولّا باللہہر یک ہے کمال دیں میں یکتا باللہ

وہ دوست نبی کے اور تم ان کے دشمنلا حول ولا قوۃ الا باللہ

رقعے کا جواب کیوں نہ بھیجا تم نےثاقب حرکت یہ کی ہے بیجا تم نے

حاجی کلو کو دے کے بے وجہ جوابغالبؔ کا پکا دیا کلیجا تم نے

اے روشنی دیدہ شہاب الدین خاںکٹتا ہے بتاؤ کس طرح سے رمضاں

ہوتی ہے تراویح سے فرصت کب تکسنتے ہو تراویح میں کتنا قرآں

اے منشی خیرہ سر سخن ساز نہ ہوعصفور ہے تو مقابل باز نہ ہو

آواز تری نکلے اور آواز کے ساتھلاٹھی وہ لگے کہ جس میں آواز نہ ہو

بے گریہ کمال ترجبینی ہے مجھےدر بزم وفا خجل نشینی ہے مجھے

محروم صدا رہا بغیر از یک تارابریشم ساز موے چینی ہے مجھے

گلخن شرر اہتمام بستر ہے آجیعنی تب عشق شعلہ پرور ہے آج

ہوں درد ہلاک نامہ بر سے بیمارقارورہ مرا خون کبوتر ہے آج

ہم گرچہ بنے سلام کرنے والےکرتے ہیں درنگ کام کرنے والے

کہتے ہیں کہیں خدا سے اللہ اللہوہ آپ ہیں صبح و شام کرنے والے

اس رشتے میں لاکھ تار ہوں بلکہ سوااتنے ہی برس شمار ہوں بلکہ سوا

ہر سینکڑے کو ایک گرہ فرض کریںایسی گرہیں ہزار ہوں بلکہ سوا

حق شہ کی بقا سے خلق کو شاد کرےتاشاہ شیوع دانش و داد کرے

یہ دی جو گئی ہے رشتۂ عمر میں گانٹھہے صفر کہ افزایش اعداد کرے

سامان خور و خواب کہاں سے لاؤںآرام کے اسباب کہاں سے لاؤں

روزہ مرا ایمان ہے غالبؔ لیکنخس خانہ و برفاب کہاں سے لاؤں

ان سیم کے بیجوں کو کوئی کیا جانےبھیجے ہیں جو ارمغاں شہ والا نے

گن کر دیویں گے ہم دعائیں سو بارفیروزے کی تسبیح کے ہیں یہ دیوانے