There Is No God but God: Poems 35–47

Akbar Allahabadi

Signet

Chapitre 7 sur 9

There Is No God but God: Poems 35–47

لا الٰہ الا اللہ: نظمیں ۳۵ تا ۴۷

Akbar Allahabadi

Écriture

Taille

۳۵۔ مزے کا جشن تھا کل اک شراب خانے میں

مزے کا جشن تھا کل اک شراب خانے میںکسی نے خوب یہ گایا کسی ترانے میں

خدا کے فضل سے ہم نام کے مسلماں ہیںوگرنہ چین سے رہتے نہ اس زمانے میں

۳۶۔ ہستی کے شجر میں جو یہ چاہو کہ چمک جاؤ

ہستی کے شجر میں جو یہ چاہو کہ چمک جاؤکچے نہ رہو، بلکہ کسی رنگ میں پک جاؤ

میں نے کہا قائل میں تصوف کا نہیں ہوںکہنے لگے، اس بزم میں آؤ تو تھرک جاؤ

میں نے کہا کچھ خوف کلکٹر کا نہیں ہےکہنے لگے، آ جائیں ابھی وہ تو دبک جاؤ

میں نے کہا ورزش کی کوئی حد بھی ہے آخرکہنے لگے، بس اس کی یہی حد ہے کہ تھک جاؤ

میں نے کہا افکار سے پیچھا نہیں چھٹتاکہنے لگے، تم جانبِ میخانہ لپک جاؤ

میں نے کہا اکبرؔ میں کوئی رنگ نہیں ہےکہنے لگے، شعر اس کے جو سن لو تو پھڑک جاؤ

۳۷۔ کر چکا ختم جب میں اسپنسر

کر چکا ختم جب میں اسپنسرمجھ پہ پڑنے لگی ہر اک کی نگاہ

پوچھا استاد نے کہ سمجھے کچھان دقائق سے دل میں کی کچھ راہ

کہہ دیا میں نے، اس کا کل مطلبصاف ہے: لا الٰہ الا اللہ

ماسٹر نے کہا، تو کودن ہےحق پکارا کہ واہ اکبرؔ واہ

۳۸۔ سنا کہ چند مسلماں جمع تھے یک جا

سنا کہ چند مسلماں جمع تھے یک جاخدا پرست، خوش اخلاق اور بلند نگاہ

کہا کسی نے یہ ان سے کہ یہ تو بتلاؤتمھاری عزت و وقعت کا کس طرح ہو نباہ

نظر کرو طرف اقتدارِ اہلِ فرنگکہ ان کے قبضہ میں ہے ملک و مال و گنج و سپاہ

انھیں کا سکہ ہے جاری یہاں سے لندن تکانھیں کے زیرِ نگیں ہے ہر اک سفید و سیاہ

کلیں بنائی ہیں وہ وہ کہ دیکھ کر جن کوزبانِ خلق سے بیساختہ نکلتی ہے واہ

تمھارے پاس بھی کچھ ہے کہ جس پہ تم کو ہے نازکہا انھوں نے کہ ہاں، لا الٰہ الا اللہ

۳۹۔ نہ وہ بک رہ گئے، نہ سر سید

نہ وہ بک رہ گئے، نہ سر سیددلِ احباب سے نکلتی ہے آہ

ذاتِ محمود سے تسلی تھیلی انھوں نے بھی آج خلد کی راہ

بولی عبرت کہ ہوش میں آؤاے حریصانِ شان و شوکت و جاہ

مٹ گیا نقشِ احمد و محمودرہ گیا لا الٰہ الا اللہ

۴۰۔ بنام ایڈیٹر رسالہ یدِ بیضا

علمِ اسرارِ دل و حلِّ معمّا داریبرتر از نظمِ دکن نظمِ ثریا داری

تو چہ حاجت بہ جمالِ سخنِ ما داریحسنِ یوسف، دمِ عیسیٰ، یدِ بیضا داری

آنچہ خوباں ہمہ دارند تو تنہا داری

۴۱۔ مسلمانوں میں اب تعلیمِ انگلش رک نہیں سکتی

مسلمانوں میں اب تعلیمِ انگلش رک نہیں سکتیکسی سے مشرق و مغرب کی سازش رک نہیں سکتی

وہ نزلہ رک نہیں سکتا، یہ [illegible] رک نہیں سکتیبڑے بوڑھوں کی لیکن یہ بھی خواہش رک نہیں سکتی

مذاقِ قوم بیگانہ نہ ہو اللہ اکبر سےیہ نقشِ جانفزا مٹنے نہ پائے دل کے دفتر سے

۴۲۔ اہلِ یورپ کے ساتھ ہوٹل میں

اہلِ یورپ کے ساتھ ہوٹل میںچکھی سید نے ایک دن کاری[۱]

خانساماں نے کان میں یہ کہاآپ تو علم سے نہیں عاری

پڑھیے کوئی دعائے اکلِ طعامدین سے بھی رہے وفاداری

تب یہ اشعارِ حضرتِ سعدیہوئے ان کی زبان پر جاری

اے کریمے کہ از خزانۂ غیبگبر و ترسا وظیفہ خور داری

دوستاں را کجا کنی محرومتو کہ با دشمناں نظر داری

۴۳۔ نظمِ مذہبی، حسبِ فرمائش ایڈیٹر دکن ریویو

جو دل کرتے ہیں حق کی پاسبانی
خدا کا ان پہ ہے لطفِ نہانی
سمجھتے ہیں جو قرآں کے معانی
سنا ہے میں نے یہ ان کی زبانی