Седьмая строфа

گزرے تھے جگ تم پر کہ ہمدردی نہ تھی تم سے کہیںتھا منحرف تم سے فلک، برگشتہ تھی تم سے زمیں

دنیا کے دانا اور حکیم، اس خوف سے لرزاں تھے سبتم پر مبادا علم کی، پڑ جائے پرچھائیں کہیں

ایسا نہ ہو مرد اور عورت میں، رہے باقی نہ فرقتعلیم پا کر آدمی بننا، تمہیں زیبا نہیں

یہاں تک تمہاری ہجو کے، گائے گئے دنیا میں راگتم کو بھی دنیا کی کہن کا، آ گیا آخر یقیں

علم و ہنر سے رفتہ رفتہ، ہو گئیں مایوس تمسمجھا لیا دل کو کہ ہم، خود علم کے قابل نہ تھیں

جو ذلتیں لازم ہیں دنیا میں جہالت کے لیےوہ ذلتیں سب نفس پر، اپنے گوارا تم نے کیں

سمجھا نہ تم کو ایک دن مردوں نے قابل بات کےتم بیویاں کہلائیں لیکن، لونڈیاں بن کر رہیں

آخر تمہاری چپ دلوں میں اہلِ دل کے چبھ گئیسچ ہے کہ چپ کی داد آخر بے ملے رہتی نہیں

بارے زمانہ نیند کے ماتوں کو لایا ہوش میںآیا تمہارے صبر پر، دریائے رحمت جوش میں